CSR ღონისძიებები
"დაეუფლე მომავლის პროფესიას" – კრედო ბანკის საგანმანათლებლო პროექტი
სოციალური პასუხისმგებლობის ფარგლებში განხორციელებული ინიციატივა მიზნად ისახავდა რეგიონებში მცხოვრები ახალგაზრდებისთვის თანამედროვე პროფესიების ხელმისაწვდომობას.
პროექტი მიმდინარეობდა 2024 წლის ნოემბრიდან 2025 წლის ივნისამდე და მოიცავდა ოთხ მიმართულებას ოთხ რეგიონში: იმერეთი – DevOps, აჭარა – ბიზნეს ანალიტიკა, კახეთი – პროგრამირება, სამცხე-ჯავახეთი – ტესტირება.
„მწვანე ანაბრის“ პროექტის ფარგლებში - საბადურის ტყის დასუფთავების ღონისძიება
"მწვანე ანაბრის" პროექტის ფარგლებში, კრედო ბანკის ორგანიზებით თბილისის შემოგარენში საბადურის ტყე დასუფთავდა. ინიციატივა ემსახურება ეკოლოგიურად სუფთა გარემოს შექმნას და განხორციელდა სოციალური პასუხისმგებლობის ფარგლებში.
კრედო ბანკი მომხმარებლებთან და პარტნიორებთან ერთად აგრძელებს აქტივობებს გარემოს დაცვის მიმართულებით. "მწვანე ანაბარი" აერთიანებს დანაზოგს და გარემოზე ზრუნვას – ეს არის ინიციატივა, რომლის მეშვეობითაც თითოეულ მონაწილეს შეუძლია საკუთარი წვლილი შეიტანოს სუფთა გარემოს შექმნაში.
ფულის გლობალური კვირეული
ფულის გლობალური კვირეული საქართველოში 2025 წელსაც წარმატებით ჩატარდა, ეროვნული ბანკისა და ფინედუს ორგანიზებით.
კვირეულის ფარგლებში, კრედო ბანკის წარმომადგენლებმა 10-მდე საჯარო და კერძო სკოლაში მოსწავლეებთან ჩაატარეს საგანმანათლებლო გაკვეთილები ფულის დაზოგვისა და გონივრული მართვის მნიშვნელობაზე.
ფულის გლობალური კვირეული 2012 წლიდან ტარდება 170-ზე მეტ ქვეყანაში და მიზნად ისახავს ფინანსური ცნობიერების ამაღლებას. წელს ღონისძიების დევიზი: "დაფიქრდი, სანამ აჰყვები – მართე ფული გონივრულად", გახლდათ.
ფულის გლობალური კვირეულის ფარგლებში, ასევე, ეროვნული ბანკისა და FinEdu -ს ორგანიზებით ჩატარდა ნახატების კონკურსი - „ლარი 30 წლისაა“. კონკურსის ერთ-ერთი მონაწილეს, სამეგრელოს რეგიონიდან, კრედო ბანკმა ფულადი ჯილდო გადასცა.