დაეუფლე მომავლის პროფესიას!

სოციალური პასუხისმგებლობის ფარგლებში, კრედო ბანკი გთავაზობთ შესაძლებლობას, სრულიად უფასოდ შეისწავლოთ მომავლის პროფესიები და დისტანციურად დაიწყოთ კარიერა.

პროექტი ხორციელდება ოთხ რეგიონში სხვადასხვა სასწავლო მიმართულებებით: 

• იმერეთი - DevOps

მონაწილეები შეისწავლიან DevOps-ის კონცეფციას და ტექნოლოგიებს, მათ შორის: კონტეინერების მართვა, Kubernetes-ის გამოყენება, CI/CD პროცესების ავტომატიზაცია, უსაფრთხოების ინტეგრაცია და მონიტორინგი. კურსის განმავლობაში სტუდენტები მიიღებენ პრაქტიკულ გამოცდილებას, რომელიც მათ საშუალებას მისცემს საჭირო DevOps პრაქტიკებს, აპლიკაციების ოპერირებისთვის. სარეგისტრაციო ფორმა

• აჭარა - ბიზნეს ანალიტიკა

მონაწილეები შეისწავლიან: BA FUNDAMENTALS, BA Technics-usecase, BA Methodologies, SDLC- software development live cycle მეთოდოლოგიის/ფრეიმვორქები (waterfaal/agile). მოწოდებულ ინფორმაციაზე დაყრდნობით, ტრენინგის მონაწილე შეძლებს დახატოს ბიზნეს პროცესები, ობიექტები და მათი მახასიათებლები. ექნება წარმოდგენა სერვისის ზოგადი არქიტექტურის შესახებ. სარეგისტრაციო ფორმა

• კახეთი - პროგრამირება

მონაწილეები შეისწავლიან პროგრამირების ენასა და ტექნოლოგიებს: C#, .NET 6, ASP.NET Core (basics)& MS SQL (Basics), ასევე პროგრამირების ძირითად მიდგომებსა და პრაქტიკებს. სარეგისტრაციო ფორმა

• სამცხე ჯავახეთი - პროგრამული უზრუნველყოფის ტესტირება

სტუდენტები შეისწავლიან ვებ და მობილური აპლიკაციებისთვის ტესტირების დაგეგმვასა და შესრულებას, ციფრული და პროგრამული პროდუქტების ხარისხის უზრუნველყოფას, ტესტირების პროცესის ოპტიმიზაციას სხვადასხვა დიზაინ ტექნიკის დახმარებით. კურსდამთავრებულები შეძლებენ ციფრული პროდუქტის ხარისხის უზრუნველყოფას, მიღებული ცოდნის პრაქტიკაში გამოყენებას, ჯუნიორ QA/QC ტესტერად ან/და ფრილანსერად დასაქმებას.

სარეგისტრაციო ფორმა

სწავლება წარიმართება ჰიბრიდულ რეჟიმში. ეს ერთის მხრივ უზრუნველყოფს დისტანციური სწავლის მოქნილობას. ამასთანავე, რეალურ გარემოში შეხვედრით შეძლებთ გამოცდილების გაზიარებასა და პროფესიული კონტაქტების დამყარებას.

შერჩევის კრიტერიუმები:

1. კანდიდატი უნდა იყოს ერთ-ერთი სამიზნე რეგიონის მაცხოვრებელი
2. აუცილებელია ინგლისური ენის საბაზისო დონეზე ცოდნა
3. კანდიდატს უნდა ჰქონდეს სწავლისა და პროფესიული განვითარების მოტივაცია

ჩვენი მიზანია, შევქმნათ რეალური შესაძლებლობები რეგიონში მცხოვრები მოსახლეობისთვის, შეისწავლონ მომავლის პროფესიები და იმუშაონ დისტანციურად.

განავითარე შენი პოტენციალი, დაეუფლე მოთხოვნად პროფესიებს და იმუშავე მსოფლიოს ნებისმიერ წერტილში სახლიდან გაუსვლელად.