ჩატი

კრედო ბანკი მრავალმხრივი გამოცდილების მქონე საფინანსო ორგანიზაციაა, რომლის მფლობელი საერთაშორის გავლენის მქონე ინვესტორთა კონსურციუმია. კონსორციუმის წევრი კომპანიები არიან:

Access Microfinance Holding AG
ResponsAbility Investments AG
Triodos Investment Management BV
AccessHolding

AccessHolding სახელმწიფო და კერძო სექტორებიდან შეკრებილ ინვესტორთა ჯგუფის მიერ 2006 წელს დაარსდა.

ამჟამად, მის ქსელში ცხრა ბანკი და მიკროსაფინანსო ორგანიზაცია შედის, მათ შორის აზერბაიჯანსა და ტაჯიკეთში.

 

AccessBanks-ის საქმიანობა ფოკუსირებულია ისეთ მიზნობრივ ჯგუფზე, როგორიცაა მიკრო, მცირე და საშუალო მეწარმეობა. ჰოლდინგის ქსელში დასაქმებულია 7000-ზე მეტი ადამიანი. მის მართვაშია 1.4 მილიარდ აშშ დოლარზე მეტი სასესხო პორტფელი და მომხმარებლების  ნახევარ მილიარდ აშშ დოლარზე მეტი დეპოზიტები.

responsAbility

responsAbility Investments AG აქტივების მართვის დარგში მსოფლიოს წამყვანი დამოუკიდებელი მენეჯმენტის ჯგუფია, რომელთა სპეციალიზაციის სფერო განვითარებადი ეკონომიკის სექტორების ხელშეწყობაა. მათი საქმიანობა ისეთ დარგებს მოიცავს, როგორებიცაა ფინანსები, სოფლის მეურნეობა, ენერგეტიკა, ჯანდაცვა და განათლება.

responsAbility უზრუნველყოფს ბირჟაზე დაურეგისტრირებელი ისეთი კომპანიების ფინანსირებას, რომელთა ბიზნესმოდელი მოსახლეობის დაბალშემოსავლიან კატეგორიაზეა ორიენტირებული, რითაც  სტიმულირდება ქვეყნის ეკონომიკური ზრდა და სოციალური განვითარება.

 

2003 წელს დაარსებული responsAbility, ამჟამად მართავს ორ მილიარდ აშშ დოლარზე მეტ აქტივებს, რომლებიც 90 ქვეყნის 500 კომპანიაშია ინვესტირებული.  სათაო ოფისი ციურიხში მდებარეობს, ხოლო მისი რეგიონალური წარმომადგენლობები - პარიზში, ლიმაში, მუმბაისა და ნაირობიში.

responsAbility-ის აქციონერები შვეიცარიის ფინანსურ ბაზარზე მოქმედი, საიმედო რეპუტაციის მქონე მრავალი ორგანიზაცია და ასევე, საკუთარი თანამშრომლები არიან.  ჯგუფი რეგისტრირებულია შვეიცარიის ფინანსური ბაზრის ზედამხედველობის ორგანოში (FINMA).

Triodos Investment Management

Triodos Investment Management მსოფლიოს ერთ-ერთი წამყვანი, Triodos Bank-ის საკუთრებაში არსებული შვილობილი კომპანიაა. Triodos Investment Management საერთაშორისო მასშტაბით აღიარებული კომპანიაა, რომლის საქმიანობის სფეროებია ინვესტიციების და საინვესტიციო ფონდების მართვა ისეთ დარგებში, როგორიცაა განახლებადი ენერგეტიკა, მდგრადი უძრავი ქონება და განვითარებადი ბაზრების დონორული ფინანსირება.

2013 წლის ბოლოდან კომპანიის კომბინირებული აქტივები 2,5 მილიარდ ევროს შეადგენს. 1994 წლიდან, დონორულ ფინანსირებაში ჩადებულმა აქტივებმა 550 მლნ ევროს გადააჭარბა. მოცემული მაჩვენებელი მას ინდუსტრიაში უმსხვილეს ინვესტორად აქცევს. 

სპეციალიზირებული ფონდების მეშვეობით, Triodos Investment Management უზრუნველყოფს ფინანსირებას 44 ქვეყნის 112-მდე დამწყებ და ფუნქციონირებად საფინანსო ორგანიზაციებისთვის. კომპანია 22 საფინანსო ორგანიზაციის აქციების მფლობელია