Aquamasters Alliance-ს წარმატება საერთაშორისო ტურნირზე კრედო ბანკის მხარდაჭერით

6-15 თებერვალს, არაბთა გაერთიანებულ საამიროებში გაიმართა ერთ-ერთი ყველაზე მასშტაბური საერთაშორისო სამოყვარულო სპორტული ღონისძიება - Open Masters Games Abu Dhabi 2026. ფორუმი სპორტის 38 სახეობას აერთიანებს და მასში 25 000-ზე მეტი სპორტსმენი მონაწილეობდა.

საქართველოს გუნდის ასპარეზობა

საქართველოს ისტორიაში პირველად, ამ პრესტიჟულ ღონისძიებაზე ქვეყანა მოცურავეთა გუნდმა წარადგინა. საქართველოს მასტერსის საწყლოსნო სპორტის სახეობათა ფედერაციის ეგიდით კლუბმა Aquamasters Alliance-მა იასპარეზა.

გუნდის შემადგენლობა: ირაკლი რევიშვილი (6 გზის მსოფლიო ჩემპიონი და მსოფლიო რეკორდსმენი), ალექსანდრე მოსეშვილი, ივანე ლექვთაძე, ზაზა კობახიძე, ალექსანდრე გიორგაძე, ია ცაგარელი.

ქართველმა მოცურავეებმა ინდივიდუალურ დისციპლინებში საუკეთესო შედეგები აჩვენეს:

ირაკლი რევიშვილი - 4 ოქროს მედალი

ზაზა კობახიძე - 1 ოქროსა და 2 ვერცხლის მედალი

ია ცაგარელი - 1 ოქროსა და 2 ბრინჯაოს მედალი

სანდრო მოსეშვილი - 1 ვერცხლის მედალი

ვანო ლექვთაძე - 1 ბრინჯაოს მედალი

ინდივიდუალური ასპარეზობის გარდა, მოცურავეებმა თავი გუნდურ დისციპლინაშიც გამოიჩინეს. თავისუფალი სტილით 4x50 მეტრიან ესტაფეტაში Aquamasters Alliance-ის წევრებმა - ალექსანდრე მოსეშვილმა, ზაზა კობახიძემ, ივანე ლექვთაძემ და ირაკლი რევიშვილმა - მესამე ადგილი დაიკავეს და ბრინჯაოს მედალი მოიპოვეს.

კრედო ბანკის მხარდაჭერით

კრედო ბანკი მხარში უდგას სპორტსმენებსა და საზოგადოებრივ ინიციატივებს, რომლებიც პოზიტიურ ცვლილებებს განაპირობებენ და ადამიანების გაძლიერებას ემსახურებიან. სოციალური პასუხისმგებლობის ფარგლებში, კრედო ბანკი მომავალშიც გააგრძელებს ქართული სპორტისა და იმ პროექტების მხარდაჭერას, რომლებიც აერთიანებს საზოგადოებას და ქმნის უკეთეს მომავალს.