აგვისტოში სინგაპურში გაიმართა მსოფლიოს ჩემპიონატი საწყლოსნო სპორტის სახეობებში (მასტერსის კატეგორია), სადაც მონაწილეობა 7,000-ზე მეტმა 25-95+ წლის სპორტსმენმა მიიღო. ტურნირი ტარდება ორ წელიწადში ერთხელ და აერთიანებს: ცურვას, ღია წყალზე ცურვას, მხატვრულ ცურვას, წყალში ხტომასა და წყალბურთს.

საქართველოს გუნდის ასპარეზობა

საქართველოდან მონაწილეობა მიიღო გუნდმა Aquamasters Alliance, რომელიც წარდგენილი იყო საქართველოს მასტერსის საწყლოსნო სპორტის სახეობათა ფედერაციის ეგიდით.

გუნდის წევრებმა - ალექსანდრე მოსეშვილმა, ივანე ლექვთაძემ, ზაზა კობახიძემ და შოთა დავითაიამ, იასპარეზეს ინდივიდუალურ დისტანციებში, ხოლო ესტაფეტაში მათ შეუერთდა მწვრთნელი ირაკლი რევიშვილი.

სპორტსმენებმა ყველა დისციპლინაში აჩვენეს საუკეთესო შედეგები გუნდის ისტორიის მანძილზე. განსაკუთრებით აღსანიშნავია ირაკლი რევიშვილის მიღწევა, რომელმაც 200, 400 და 800 მეტრ თავისუფალ ცურვაში მოიპოვა გამარჯვება და გახდა სამგზის ახალი ჩემპიონი, ამავდროულად შეინარჩუნა წინა მსოფლიო ჩემპიონატის ტიტულები. ჯამში ის გახდა ექვსგზის მსოფლიო ჩემპიონი.

გუნდის ყველა მონაწილემ უკლებლივ ინდივიდუალურ გაცურვებში, დააფიქსირა თავისი საუკეთესო შედეგი და დაიკავა მოწინავე ადგილი ტოპ 10-ეულში.

კრედო ბანკის მხარდაჭერით - წარმატებისკენ

კრედო ბანკი მხარში უდგას სპორტსმენებსა და საზოგადოებრივ ინიციატივებს, რომლებიც ადამიანებზე პოზიტიურ ზეგავლენას ახდენენ და აძლიერებენ.

სოციალური პასუხისმგებლობის ფარგლებში, კრედო ბანკი მომავალშიც გააგრძელებს ქართული სპორტის და იმ პროექტების მხარდაჭერას, რომლებიც ჩვენს საზოგადოებას აერთიანებს და უკეთეს მომავალს ქმნის.