კრედო ბანკის თანამშრომლების დაუვიწყარი პარიზული თავგადასავალი

კრედო ბანკის ერთ-ერთი ყველაზე მნიშვნელოვანი ტრადიცია წელსაც განსაკუთრებულად აღინიშნა.

წლის საუკეთესო თანამშრომლების დაჯილდოების ღონისძიებამ კიდევ ერთხელ შეგვახსენა, თუ რამდენად ძვირფასი არიან ადამიანები, რომლებიც თავიანთი ერთგულებითა და პროფესიონალიზმით, ყოველდღიურად, ბანკის წარმატებას ერთად ქმნიან.

ჩვენი მთავარი ღირებულება დასაქმებულებზე ზრუნვაა, სწორედ ამიტომ, ყოველ წელს განსაკუთრებული ყურადღებით აღვნიშნავთ თანამშრომლების მიღწევებს. წელს, გამორჩეულმა თანამშრომლებმა, ჯილდოს სახით, სამდღიანი მოგზაურობა მიიღეს პარიზში.

ამ თავგადასავლის დაუვიწყარი მოვლენა 17 მაისს გამართული საფეხბურთო მატჩი - PSG-ისა და Auxerre-ის შეხვედრა იყო, სადაც მოედანზე ჩვენი საამაყო ხვიჩა კვარაცხელია თამაშობდა. კრედოელებმა გულით უგულშემატკივრეს ქართველ ვარსკვლავს. მატჩმა კი შთამბეჭდავი სპორტული ატმოსფერო და ემოციები შემატა ამ მოგზაურობას.

კრედო ბანკში მტკიცედ გვწამს, რომ თითოეული თანამშრომლის წვლილი ფასდაუდებელია - ეს ჩვენი კორპორატიული კულტურის მნიშვნელოვანი ღირებულებაა.