თბილისში, კრედო ბანკის მხარდაჭერით, მიკროფინანსების ცენტრის (MFC) 27-ე ყოველწლიური კონფერენცია გაიმართა

თბილისში, კრედო ბანკის მხარდაჭერით, მიკროფინანსების ცენტრის (MFC) 27-ე ყოველწლიური კონფერენცია გაიმართა. ღონისძიებაზე, რომლის თემაც იყო "ცვლილებები, შოკები და გადაწყვეტილებები: მიკროფინანსები გეოპოლიტიკის ჩრდილში" - 40-ზე მეტი ქვეყნიდან, 470-მდე მონაწილე და ინდუსტრიის ლიდერები შეიკრიბნენ, რომლებიც ჩართულნი არიან ფინანსურ ინკლუზიურობასა და მიკროფინანსების განვითარებაში.

კონფერენციაზე წარმოდგენილი იყო მრავალფეროვანი სესიები, რომლებიც ეხებოდა მიკროფინანსების სექტორში არსებულ უახლეს გამოწვევებსა და ინოვაციებს. დინამიურმა გარემომ მნიშვნელოვანი შესაძლებლობები შექმნა ურთიერთობებისთვის, იდეების გაცვლისა და სტრატეგიული პარტნიორობის დამყარებისთვის.

წლევანდელ შეხვედრაზე აღინიშნა MFC-სა და კრედო ბანკს შორის ხანგრძლივი პარტნიორობა, რომელთაც აერთიანებთ საერთო მისია - გააძლიერონ ადამიანები მდგრადი სოციალური დაფინანსების გზით და ხელმისაწვდომი ფინანსური სერვისების შეთავაზებით, მხარი დაუჭირონ მიკრო, მცირე და საშუალო მეწარმეებს და მათ დასაქმებულებს უკეთესი მომავლის შექმნაში.

მიკროფინანსების ცენტრი (MFC) წამყვანი საერთაშორისო გაერთიანებაა, რომელიც მხარს უჭერს სამართლიან, ინკლუზიურ და მდგრად ფინანსებს. ის აერთიანებს 140-ზე მეტ ორგანიზაციას ევროპისა და ცენტრალური აზიის 36 ქვეყნიდან, რომელიც სთავაზობს 2,000,000-ზე მეტ დაბალშემოსავლიან მომხმარებელს პასუხისმგებლიან მიკროფინანსების მომსახურებას.

კრედო ბანკი სიდიდით მეხუთე კომერციული ბანკია საქართველოში. იგი ქვეყნის მასშტაბით, 97 სერვისცენტრით, 490 ათასზე მეტ მომხმარებელს სთავაზობს სრულფასოვან და ინოვაციურ საბანკო მომსახურებას. ბანკის მისიაა, ხელმისაწვდომი ფინანსური სერვისების შეთავაზებით ხელი შეუწყოს საქართველოს მიკრო, მცირე და საშუალო მეწარმეებს და მათ დასაქმებულებს უკეთესი მომავლის შექმნაში.