კრედო ბანკი რეგიონებში მცხოვრები ქალი მეწარმეების ეკონომიკურ გაძლიერებასა და მცირე ბიზნესის ხელშეწყობას განაგრძობს. ინიციატივის ფარგლებში, გურიაში, კახეთსა და სამეგრელო-ზემო სვანეთში ქალ მეწარმეებს ჩაუტარდათ სხვადასხვა ვორქშოფები ციფრული ცოდნის მიმართულებით: სოციალურ მედიაში ბიზნესის მართვა, თანამედროვე საბანკო სერვისები და ციფრული ინსტრუმენტების გამოყენება.

ციფრული უნარების გაძლიერება კრედო ბანკის მხარდაჭერით – ნაბიჯი ბიზნესის წარმატებისკენ

ღონისძიების ფარგლებში აქცენტი გაკეთდა ციფრულ ცოდნაზე, რომელიც მეწარმე ქალებს საშუალებას მისცემს თავიანთი საქმიანობა და ბიზნესი ონლაინ სივრცეშიც განავითარონ:

• ციფრული მარკეტინგი და კონტენტის შექმნა – Canva და CapCut საფუძვლები, სოციალური მედიის პლატფორმების (Facebook/Instagram, Business Suite, Ads Manager) ეფექტიანი გამოყენება.
• ციფრული სერვისები ბიზნესის გასავითარებლად – თანამედროვე საბანკო სერვისები, Mycredo აპლიკაცია და ბიზნეს ინტერნეტ ბანკი, როგორც ეფექტიანობისა და პროცესების გამარტივების ინსტრუმენტები.
• ხელოვნური ინტელექტის გამოყენება ყოველდღიურ საქმიანობაში – AI ინსტრუმენტები მარკეტინგისთვის, მომხმარებელთან კომუნიკაციისთვის და სამუშაო პროცესების გასამარტივებლად.
• Excel-ის ძირითადი ფუნქციები და ფორმულები – უნარების გაღრმავება მონაცემების დამუშავებასა და ფინანსური დაგეგმვის მიმართულებით.
• ფინანსური მართვა – კომპანიის ფინანსური ანალიზისა და ბრუნვის მართვის პრაქტიკული მიდგომები.

ციფრული ბანკინგი, რომელიც მეწარმეებს განვითარებაში ეხმარება

მონაწილეებმა გაიგეს, როგორ უწყობს ხელს ციფრული ბანკინგი და თანამედროვე ფინანსური სერვისები - როგორიცაა Mycredo ინტერნეტ და მობაილ ბანკი - მეწარმეობის განვითარებას, ფინანსების გამჭვირვალობასა და სწრაფ გადაწყვეტილებებს.

პროექტი მომავალშიც მიზნად ისახავს ქალთა მიერ მართული ბიზნესების მხარდაჭერას, მათი ფინანსური შესაძლებლობების გაძლიერებასა და ადგილობრივი ეკონომიკის განვითარებას.

ინიციატივა განხორციელდა საქართველოს სტრატეგიული კვლევებისა და განვითარების ცენტრის (CSRDG) მიერ, გაეროს დაფინანსებით, ხოლო მონაწილეებს პრაქტიკული ცოდნა და გამოცდილება გადაეცათ კრედო ბანკის პროფესიული ჩართულობითა და მხარდაჭერით.