„Women in AI“ - სტიპენდიის პროგრამა ქალი მეწარმეებისთვის

კრედო ბანკი სოციალური პასუხისმგებლობის ფარგლებში ახალ პროექტს - ,,Women in AI" - იწყებს, რომლის მიზანია მეწარმე ქალებისთვის ხელოვნური ინტელექტისა და თანამედროვე ციფრული ტექნოლოგიების მიმართულებით ცოდნისა და პრაქტიკული უნარების განვითარება.

პროექტის ფარგლებში შერჩეული მონაწილეები პარტნიორ აკადემიებში სწავლის 100%-იან დაფინანსებას მიიღებენ და შესაძლებლობა ექნებათ, აირჩიონ ხელოვნურ ინტელექტთან დაკავშირებული მათთვის საინტერესო პრაქტიკული კურსი.

ვის შეუძლია მონაწილეობა?

პროგრამა განკუთვნილია ქალი მეწარმეებისთვის, რომლებიც:

• ფლობენ მცირე, საშუალო ან სტარტაპ ბიზნესს

• არიან თვითდასაქმებულები

• გეგმავენ ბიზნესის დაწყებას ან საქმიანობის განვითარების ახალ ეტაპზე გადასვლას

• სურთ AI-ისა და ციფრული ტექნოლოგიების შესაძლებლობების საკუთარ საქმიანობაში გამოყენება

რას ისწავლიან მონაწილეები?

პროგრამა აერთიანებს ხელოვნურ ინტელექტთან დაკავშირებულ პრაქტიკულ მიმართულებებს, მათ შორის:

• კრეატიული კონტენტის შექმნას AI-ის დახმარებით

• AI-ის საფუძვლებს

• AI ასისტენტებს, აგენტებსა და No-Code ავტომატიზაციას

• AI Chatbots-სა და AI კონტენტს

• ხელოვნური ინტელექტის პრაქტიკულ გამოყენებას

სწავლება განხორციელდება IT Academy Step Georgia-ში, Smart Academy-ში, Skillwill-ში, Academy of Digital Industry-სა და Tbilisi School of Communication-ში.

პროგრამის მიზანია, მონაწილეებმა მიღებული ცოდნა გამოიყენონ ყოველდღიურ საქმიანობაში, ბიზნესის გასაძლიერებლად და პროფესიული განვითარებისთვის.

როგორ გახდე პროგრამის მონაწილე?

შეავსე განაცხადი და კრედო ბანკის წარმომადგენელი დაგიკავშირდება.

გაითვალისწინე, პროგრამაში ადგილების რაოდენობა შეზღუდულია. განაცხადების მიღების შემდეგ მოხდება მონაწილეთა შერჩევა.

განავითარე AI უნარები და გამოიყენე ახალი ცოდნა შენი საქმიანობის გასაძლიერებლად!