„მწვანე ანაბრის“ ფარგლებში კრედო ბანკმა „კიდევაც დაიზრდებიან“ ძეგლის მიმდებარე ტერიტორიის გამწვანების აქცია ჩაატარა

კრედო ბანკი გარემოსდაცვითი და სოციალური პასუხისმგებლობის მიმართულებით აქტიურად აგრძელებს პროექტების მხარდაჭერას.

„მწვანე ანაბარი“ სწორედ ამ მიზნის მხარდასაჭერად შეიქმნა. ინიციატივა მომხმარებელბს საშუალებას აძლევს, საკუთარი დანაზოგით არა მხოლოდ ფინანსური სარგებელი მიიღონ, არამედ ბუნებისთვის მნიშვნელოვან საქმეშიც შეიტანონ წვლილი.

პროექტის ფარგლებში, მარნეულში „კიდევაც დაიზრდებიან“ ძეგლის მიმდებარე ტერიტორიაზე გამწვანების აქცია გაიმართა. აქტივობის ფარგლებში დაირგა ადგილობრივი ლანდშაფტისა და გარემო პირობების გათვალისწინებით შერჩეული 150 ხის ნერგი.

ღონისძიება განხორციელდა „მწვანე ანაბრის“ მფლობელი მომხმარებლების, პარტნიორი კომპანიების, კრედო ბანკის მიერ შექმნილი ფონდის და გლობალური გარემოსდაცვითი მოძრაობა Let’s Do It საქართველო მხარდაჭერით.

„მწვანე ანაბრის“ ფარგლებში უკვე არაერთი გარემოსდაცვითი აქტივობა განხორციელდა, რომელიც ქვეყნის სხვადასხვა რეკრეაციული სივრცის დასუფთავებას და ბუნებრივი გარემოს შენარჩუნებას უწყობს ხელს.

კრედო ბანკი მომავალშიც გააგრძელებს გარემოსდაცვითი ინიციატივების განვითარებას, რათა ხელი შეუწყოს ეკოლოგიური გარემოს გაუმჯობესებასა და საზოგადოების ცნობიერების ამაღლებას.