როგორ გადავრიცხოთ ფული საქართველოში მარტივად და სწრაფად

დღეს ბევრ ჩვენ ოჯახის წევრსა თუ ახლობელს ფიზიკური საზღვრები გვაშორებს. მაგრამ ინტერნეტმა მოგვცა საშუალება მათთან მუდმივ კონტაქტზე ვიყოთ და საჭიროების შემთხვევაში, დავეხმაროთ კიდეც. 

ბუნებრივია, როდესაც საყვარელ ადამიანს ფინანსური პრობლემა უჩნდება და ჩვენ დახმარება შეგვიძლია, კითხვა როგორ გადავრიცხოთ ფული საქართველოში ერთ-ერთი პირველი დგება.

ამ გზამკვლევში კრედო ბანკი დეტალურად გაგაცნობს ტრანზაქციის შესრულების პრაქტიკულ მეთოდებსა და თითოეული მათგანის უპირატესობას. მოცემული ინფორმაცია დაგეხმარება, შეარჩიო ცალკეული კონკრეტული სიტუაციებისთვის ყველაზე შესაფერისი ვარიანტი.

ფულის გადარიცხვა საქართველოში: ძირითადი მეთოდები

თანამედროვე საბანკო სექტორი საკმაოდ მოქნილია და ქვეყნებს შორის თანხის გადასარიცხად რამდენიმე ინსტრუმენტს გთავაზობს, რის გამოც ფინანსების მართვა მაქსიმალურად გამარტივდა. არის გზები, რომლებსაც ციფრული ტექნოლოგიების აქტიური მომხმარებელი ანიჭებს უპირატესობას და გზები, რომლებიც სერვისცენტრში პირისპირ კომუნიკაციის მსურველს შეუძლია გამოიყენოს. შესაბამისად, თავად წყვეტ, რომელი გზაა მოცემულ მომენტში ყველაზე კომფორტული. 

ონლაინ ბანკინგი და მობაილ აპლიკაციები

ციფრული სერვისების გამოყენება მნიშვნელოვნად ზოგავს დროს. მობაილ ბანკით ფულის გადარიცხვის მთავარი პლუსი სისწრაფე და 24/7 რეჟიმში ხელმისაწვდომობაა, მომენტალური გადარიცხვის სისტემით. არ აქვს მნიშვნელობა რომელ ქვეყანაში იმყოფები - mycredo-ს ანგარიშიდან ნებისმიერი ქართული ბანკის ანგარიშზე უცებ გადაურიცხავ თანხას მიმღებს.

აპლიკაციაში სრულფასოვანი ოპერაციის შესასრულებლად მხოლოდ რამდენიმე სავალდებულო ველის შევსება გიწევს, სადაც მიმღების ანგარიშის ნომერს, თანხასა და დანიშნულებას უთითებ.

კრედო ბანკის Mycredo მობაილ და ინტერნეტ ბანკი აღნიშნულ პროცესს მაქსიმალურად ამარტივებს. ინტუიციური დიზაინი გაძლევს საშუალებას, ტრანზაქცია საშუალოდ რამდენიმე წუთში განახორციელო. აპლიკაციაში ჩაშენებული შაბლონების ფუნქცია კი განმეორებით ტრანზაქციებს კიდევ უფრო ამარტივებს - ყოველ შემდეგ გადარიცხვას კიდევ უფრო სწრაფად შეასრულებ, რადგან მიმღების მონაცემების თავიდან შეყვანა აღარ გჭირდება.

სწრაფი ფულადი გზავნილების სისტემები

მიუხედავად ციფრული ბანკინგის პოპულარობისა, მაინც არის მიმღებების კატეგორია, რომელსაც არ აქვს აქტიური საბანკო ანგარიში. ან შესაძლოა ისე მოხდეს, რომ შენ არ გქონდეს აქტიურ ანგარიშზე საკმარისი თანხა. ასეთ დროს სწრაფი საერთაშორისო ფულადი გზავნილები საუკეთესო გამოსავალია. დღეს უკვე მრავალი სრულიად სანდო და მომხმარებლების მიერ გამოცდილი საერთაშორისო სისტემა ფუნქციონირებს. საქართველოში განსაკუთრებული პოპულარობით სარგებლობს Western Union, MoneyGram და Ria.

მსგავსი პლატფორმები მარტივი პრინციპით ოპერირებს: გასაგზავნად საკმარისია პირადობის დამადასტურებელი მოწმობის წარდგენა, რის შემდეგაც მიმღებს უნიკალურ კოდს აწვდი. კრედო ბანკის აღნიშნული ოპერაციის შესრულება მომენტალურად ხდება, რთული პროცედურების გავლის გარეშე. მონაცემთა ბაზაში ასახვისთანავე, ადრესატი თანხის გატანას შეუფერხებლად შეძლებს ნებისმიერი სერვისცენტრიდან.

ფულის გადარიცხვის საკომისიოები და ვადები

როცა თანხა საზღვრებს კვეთს, როგორც წესი შუამავალი სისტემა სერვისისთვის მცირე საკომისიოს მოითხოვს. კონკრეტულად რამდენის გადახდა მოგიწევს დამოკიდებულია იმაზე 1) რომელ გადარიცხვის მეთოდს იყენებ; 2) რომელ ბანკში რიცხავ.

რა ღირს ფულის გადარიცხვა

ფულის გადარიცხვის საკომისიო რამდენიმე ფაქტორზეა დამოკიდებული: გამოყენებულ საგადამხდელო სისტემაზე, მოცულობასა და ბანკის ტარიფებზე. შიდა საბანკო ოპერაციებზე მინიმალური ტარიფებია დაწესებული და ზოგ შემთხვევაში სრულიად უფასოა. ზოგადად, თუ ორივე მხარე - გამგზავნიც და მიმღებიც - Mycredo მობაილ ბანკით სარგებლობს, ოპერაცია ყველაზე ფინანსურად მომგებიანი და სწრაფი იქნება.

უცხოური ვალუტის გაგზავნისას აუცილებლად უნდა გაითვალისწინო მიმდინარე კურსი, რადგან ზოგიერთ საერთაშორისო სისტემას ვალუტის შეცვლაზე დამატებითი საკომისიო აქვს დაწესებული. გაეცანი კრედო ბანკის ვალუტის კონვერტაციის სპეციალურ კურსს, რათა საერთაშორისო ტრანზაქციებისას ზუსტად გათვალო ხარჯები.

რამდენ ხანში ჩაირიცხება თანხა

დრო ტრანზაქციის კრიტიკული კომპონენტია. ონლაინ ციფრული ბანკით სარგებლობა თანხის წუთებში გადარიცხვას გულისხმობს, რაც გადაუდებელ სიტუაციებში ძალიან მოსახერხებელია. სტანდარტულ სწრაფ ფულად გზავნილებს ცოტა მეტი დრო სჭირდება - ოპერაცია საშუალოდ 24 საათამდე მოითხოვს. 

შესრულების ვადები პირდაპირკავშირშია ბანკის სამუშაო საათებსა და ეროვნული ბანკების სისტემის სპეციფიკასთან. არასამუშაო დღეებში ან შაბათ-კვირას დაფიქსირებული სტანდარტული გადარიცხვები მომდევნო სამუშაო დღეს სრულდება, ხოლო Mycredo-თი შესრულებული შიდა ოპერაციები მომენტალურად აისახება.

კრედო ბანკის ფულადი გზავნილები: შენი სანდო პარტნიორი

კრედო ბანკი ცდილობს მაქსიმალურად გაითვალისწინოს მომხმარებლის ყოველდღიური საჭიროებები და ყურადღებას უთმობს როგორც თანამედროვე ციფრულ, ისე ტრადიციულ ფიზიკურ მომსახურების ხარისხს.

როგორც უკვე აღვნიშნეთ, კრედო ბანკის ფულადი გზავნილები 24/7-ზე შეუფერხებლად მუშაობს, როცა Mycredo მობაილ და ინტერნეტ ბანკს იყენებ. გაგზავნილ თანხას ადრესატი პირდაპირ პირად ანგარიშზე უმოკლეს დროში იღებს. ხოლო თუ აქტიურ ანგარიშზე ვერ რიცხავ, კრედო ბანკის სერვისცენტრები მთელი საქართველოს მასშტაბით ხელმისაწვდომია და მიმღებს ნებისმიერი ოპერაციის კომფორტულად შესრულებაში დაეხმარება.

კრედო ბანკის ბარათით ნაღდ ფულს საკომისიოს გარეშე გამოიტან კრედო ბანკის, თიბისისა და ხალიკ ბანკის ბანკომატებიდან. კრედო ბანკის დახმარებით ფულადი გზავნილები საქართველოში მაქსიმალურად ხელმისაწვდომია, რადგან ბანკი მსოფლიოში წამყვან ოპერატორებთან მჭიდროდ თანამშრომლობს და მაღალ ტრანზაქციულ ლიმიტებს გთავაზობს:

• Zolotaya Korona: 20,000 აშშ დოლარი; 20,000 ევრო; 590,000 რუბლი; 20,000 ლარი
• RIA ფულადი გზავნილები: 7,500 აშშ დოლარი / 5,000 ევრო
• Intelexpress: 15,000 აშშ დოლარი; 12,500 ევრო; 25,000 ლარი
• Western Union: 5,000 აშშ დოლარი / 5,000 ევრო
• MoneyGram: 10,000 აშშ დოლარი / 7,000 ევრო

Mycredo-დან გზავნილის მიღების პროცესიც გათვლილია მაქსიმალურ სიმარტივეზე, აპლიკაციაში გადადიხარ ოპერაციებში და ირჩევ განყოფილებას „გზავნილები“. შემდეგ ირჩევ ,, მიღებას” და უთითებ შესაბამის საერთაშორისო ოპერატორს (მაგ. Western Union), შეგყავს გზავნილის ზუსტი კოდი და მისაღები თანხა. მონაცემების დამუშავების შემდეგ, თანხა პირდაპირ Mycredo ანგარიშზე მყისიერად აისახება. 

უსაფრთხოების წესები საქართველოში ფულის გადარიცხვისას

ნებისმიერი ფინანსური ოპერაციის შესრულებისას მნიშვნელოვანია ზედმიწევნით ფრთხილად დაიცვა რეკომენდებული უსაფრთხოების წესები. ტრანზაქციის თითოეულ ეტაპზე სათანადო ყურადღების გამოჩენა ერთადერთი გზაა დაიცვა შენი ფინანსები (და საყვარელი ადამიანები) თაღლითური სქემებისგან.

• ორჯერ გადაამოწმე მიმღების მონაცემები: ტრანზაქციის დადასტურებამდე ყურადღებით წაიკითხე ადრესატის სახელი, გვარი და საბანკო ანგარიშის ზუსტი ნომერი.

• დაიცავი კონფიდენციალურობა: არასდროს გაუზიარო პირადი საბანკო ინფორმაცია უცნობ პირებს. გახსოვდეს, კრედო ბანკის წარმომადგენელი არასდროს მოგთხოვს პირად პაროლს ან PIN კოდს.

• გამოიყენე დაცული პლატფორმები: ფინანსური ოპერაციებისთვის გამოიყენე მხოლოდ სანდო არხები - mycredo ციფრული და მობაილ ბანკი, მაღალი რეპუტაციის სწრაფი ფულადი გზავნილების სისტემები და ა.შ.



• შეინახე ქვითარი: ყოველთვის შეინახე გზავნილის დამადასტურებელი ქვითარი და ტრეკინგის უნიკალური კოდი. დაელოდე, სანამ მიმღები თანხის უსაფრთხოდ მიღებას პირადად დაგიდასტურებს.



ფინანსების საზღვრებს მიღმა გადაადგილების არაერთი განსხვავებული გზა არსებობს. ისინი ერთმანეთისგან ძირითადად ოპერაციების სისწრაფით, კომფორტითა და საფასურით განსხვავდება. შენი საჭიროებების შესაბამისი მეთოდის შერჩევა დროისა და რესურსების ოპტიმიზაციაზეა დამოკიდებული. კრედო ბანკის სერვისები გაძლევს საშუალებას, ნებისმიერი ტიპის ტრანზაქცია მაქსიმალურად საიმედოდ, სწრაფად და დაცულად განახორციელო.